Sulaiman Jazib
kyuun ghalat rah se bachaya na gaya
jaane kyuun moḌ ke laaya na gaya
manne vaala miri baton ko
jaane kyuun mujh se manaya na gaya
sar-phiri tez hava ke hote
diip ulfat ka bujhaya na gaya
ruuh par sabt hua vo aisa
phir kabhi mujh se miTaya na gaya
kaT gaya peḌ to angan ka magar
mere sar se kabhi saaya na gaya
jab bhi ‘jazib’ vo hua ham-avaz
giit mujh se koi gaaya na gaya
Leave a Reply