Rahat Hasan
kaam aa.egi tiri khoj men zulmat aisi
kis ko ma.alum tha ban ja.egi surat aisi
be-sabab paḌ ga.e hain jaan ke laale ab ke
be-zarurat hi nikal aa.i zarurat aisi
jaane ho ret ke sahraon ka kaisa aalam
jab hai is gulshan-e-sarsabz men vahshat aisi
saans leta tha to divar giri jaati thi
raat kuchh ḳhvab men dekhi thi imarat aisi
dil ke virane men kyuun hashr bapa hai ‘rahat’
roz hoti hai zamane men qayamat aisi
Leave a Reply