Nilofar Noor
pareshan ho ke apni zindagi se
kinara kar liya tha har kisi se
hamesha dar-guzar karte rahen kya
tumhari be-ruḳhi ko ham ḳhushi se
dukha kar dil hamara kya milega
batao puchhti huun ajizi se
marasim aur gahre ho ga.e hain
suna hai aap ke ik ajnabi se
kahan hai aur kaisa hai abhi vo
nigahen puchhti hain har kisi se
samundar maat khata ja raha hai
hamare zabt se dariya-dili se
koi kyon ‘nur’ se aa kar milega
bahut bezar hain sab raushni se
Leave a Reply