Faisal Imtiyaz Khan
parda tumhare ruḳh se haTana paḌa mujhe
yuun apni hasraton ko jagana paḌa mujhe
main ne to khel khel men toḌa tha us ka dil
phir saari umr us ko manana paḌa mujhe
jab ishq ik gharib se mujh ko hua to phir
dil ka jo mol tha vo ghaTana paḌa mujhe
us ne kaha main ji nahin pa.ungi tere bin
is vaste vo rishta nibhana paḌa mujhe
‘faisal’ vo saare log the bahre isi liye
ḳhamosh rah ke shor machana paḌa mujhe
Leave a Reply