parda-e-husn-e-zat men anjuman-e-sifat men
mere siva hai aur kaun sina-e-ka.enat men
farsh ki vus.aten bhi gum arsh ki rif.aten bhi jazb
mere taḳhaiyyulat men mere tasavvurat men
naghma-e-be-sada huun main naz-e-girah-kusha huun main
sham.a-e-rah-e-huda huun main zulmat-e-shash-jihat men
meri hi fitrat-e-qadim sarhad-e-la-makan se duur
mera hi naqsh-e-na-tamam qaid-e-ta.a.inat men
mere vajud-e-ḳhas se silsila-e-fana-baqa
mujh se hi raunaq-e-tamam bazm-e-tajalliyat men
meri hi fikr-e-maḳhfi-o-mashq-e-nazar ke faiz se
jazb-o-kashish ki quvvaten hasti-e-be-sabat men
‘arzu’ apne raaz ko samjha huun main bas is qadar
mujh men hijab-e-zat hai main huun hijab-e-zat men
Leave a Reply