Nisar Nasik
para.e logon ne tai kar liya safar mera
ki mere paanv se lipTa raha hai ghar mera
main umr bhar ka sukun de ke bhi raha maqruz
vo sud-ḳhor-e-mohabbat hai bar-e-sar mera
main teri umr ke har ruup ki amanat huun
ki pal raha hai tiri siip men guhar mera
vo be-sutun bhi miri zaat ju-e-shir bhi main
mujhe ujaaḌ gaya tesha-e-hunar mera
vo mera ho ke bhi zahir nahin hua mujh par
ye iḳhtilaf raha us se umr bhar mera
Leave a Reply