Anis Abr
palkon pe jo ankhon ki nagine se jaḌe hain
kuchh ḳhvab hai be-jan jo raste men paḌe hain
matam hai bapa tark-e-mohabbat ka mire ghar
kuchh lamhe siyah-posh mire dar pe khaḌe hain
kya kya na saha phir bhi main zinda huun ajab hai
kuchh hadse ḳhud maut ki qamat se baḌe hain
Darta huun kahin is men utar jaa.e na koi
is dil men mohabbat ke ka.i raaz gaḌe hain
ye kaale nishan meri virasat men nahin hain
ankhon ke gaḌhe hain jo ye ro ro ke paḌe hain
Leave a Reply