naza.a men pyaar se kyuun puchhte ho tum mujh ko
dam labon par hai nahin tab-e-takallum mujh ko
qatl ghusse men karo pher ke munh tum mujh ko
dekhna dekh na le chashm-e-tarahhum mujh ko
abhi bai.at main karun dast-e-subu par saaqi
le chalen haath pakaḌ kar jo su-e-ḳhum mujh ko
tab shab-e-vasl tira shukr ada ho yarab
bahr-e-tasbih milen dana-e-anjum mujh ko
zarf aali hai mira arsh-e-barin par hai dimagh
jaam ḳhurshid ka gardun ka mile ḳhum mujh ko
Leave a Reply