Alag Main Sab Se Kahani Bhi Hai Alag Sab Se

alag maiñ sab se kahānī bhī hai alag sab se

so mujh ko ḳhaak uḌānī bhī hai alag sab se

badan se ruuh nikal kar samā ga.ī tujh meñ

mirī ye naql-e-makānī bhī hai alag sab se

samundaroñ meñ nahīñ dasht kī taraf utrā

ye merī āñkhoñ kā paanī bhī hai alag sab se

milā hai dard-e-mohabbat bhī ik zamāne ke ba.ad

mujhe ḳhushī ye manānī bhī hai alag sab se

zarā sā ḳhvāb ko toḌā ḳharāsh Daal gayā

ki aañkh meñ vo nishānī bhī hai alag sab se

Leave a Comment