raat aa baiThi hai pahlu men sitaro taḳhliya
ab hamen darkar hai ḳhalvat so yaaro taḳhliya
aankh va hai aur husn-e-yar hai pesh-e-nazar
shash-jihat ke baqi-manda sab nazaro taḳhliya
dekhne vaala tha manzar jab kaha darvesh ne
kaj-kulaho badshaho taj-daro taḳhliya
gham se ab hogi barah-e-rast meri guftugu
dosto timar-daro gham-gusaro taḳhliya
chaar janib hai hujum-e-na-shanayan-e-suḳhan
aaj puure zor se ‘faris’ pukaro taḳhliya
Leave a Reply