Mahmood Shaam
le uḌa aise tira dhyan mujhe
tu bhi lagti hai ab anjan mujhe
har sada teri sada lagti hai
kya batate hain mire kaan mujhe
ret ka Dher bana de na kahin
dhuup men tapta bayaban mujhe
sansanate hain dar-o-bam-e-ḳhayal
kar gaya kaun ye viran mujhe
main ne pahchan liya hai tujh ko
ab na kar muft pareshan mujhe
rach ga.i jis men tire dard ki dhuup
main vahi ‘sham’ huun pahchan mujhe
Leave a Reply