pal-do-pal hai phir ye sona miTTi ka
kar do mira tayyar bichhauna miTTi ka
ik Thokar se donon TuuT ke dekhte hain
tu kanch ka main huun khilauna miTTi ka
tere shish-mahal ki chhat bhi shishe ki
mere ghar ka kona kona miTTi ka
kitne ma.ani rakhta hai zara ghaur to kar
kuza-gar ke haath men hona miTTi ka
aag ka hansna dekh hava ke lahje men
paani ki avaz men rona miTTi ka
Leave a Reply