abbas-tabish

Andesha-e-Visal Ki Ek Nazm

shafaq ke phuul thali men sajae sanvli aai

charaghon se laven khinchin darichon men nami aai

men samjha us se milne ki ghadi aai

hava jarub-kash thi asman-asar tinkon ki

jise apni suhulat ke liye duniya… ye tan-asan duniya… ik muravvat men

hujum-e-khalq kahti hai

miri ankhen tahi gul-dan ki surat munDeron par

gali se uthne vaali gard ko titli batati hain

ye manzar munjamid ho kar safar aghaz karta hai

lahu ki barq-raftari tanaben khench leti hai

ye kaisi sham-e-shahzadi

shafaq ke phuul thali men sajae zina-e-shab se utar aai

men samjha us se milne ki ghadi aai

salakhon se lahu phuta lahu men raushni aai

More Poems

Leave a Comment