Poet
daana hue buzurg hue rahnuma hue
vo din ki ham the sham-e-majalis hava hue
un ko nahin dimagh-e-talazzuz jahan men
jo ibtida se vaqf-e-gham-e-intiha hue
ḳhurshed ki nigah se shabnam hai mushtahar
vo ashna hue hain to sab ashna hue
manzil hai shahryari-e-alam to dekhna
is raah men hazaron qabile fana hue
had se ziyada ham ne ḳhushamad buton ki ki
ye log baḌhte baḌhte bil-aḳhir ḳhuda hue
is ka bhi kuchh hisab karenge ba-roz-e-hashr
naale azal se kitne sipurd-e-saba hue
karte rahe huzur pe takiya aḳhir tak
ham asare ke hone se be-asra hue
kis din hamara hirs-o-hava se bari tha dil
kis roz ham se apne farize ada hue
Leave a Reply