Sahar Ansari
paimana-e-hal ho ga.e ham
gardish men misal ho ga.e ham
takmil-e-kamal hote hue
tamhid-e-zaval ho ga.e ham
har shaḳhs bana hai naz-bardar
jab ḳhud pe vabal ho ga.e ham
daryuza-garon ki anjuman men
kashkol-e-saval ho ga.e ham
a.ina-e-karb lafz o ma.ani
farhang-e-malal ho ga.e ham
imkan-e-vajud ke safar par
nikle to muhal ho ga.e ham
pahle to rahe haqiqat-afroz
phir ḳhvab-o-ḳhayal ho ga.e ham
Leave a Reply