Shagufta Shafiq
dil ka arman apne andar hi chhupa rah ja.ega
katib-e-taqdir ka aḳhir likha rah ja.ega
mahfilon men dekh ke jo pherta hai apna ruḳh
vo akele men mujhe hi sochta rah ja.ega
kah raha tha mujh se mera dost pyara ek din
tu jo bichhḌa zindagi men ik ḳhala rah ja.ega
ban paḌa jab kuchh nahin to us ko ye kahna paḌa
jis diye men jaan hogi vo diya rah ja.ega
mere ghar ki saari raunaq pyari maan ke dam se hai
maan jo bichhḌi kya mire ghar men bacha rah ja.ega
ye ‘shagufta’ ka hai iman ik haqiqat hai ḳhuda
andhiyon ke baad bhi nam-e-ḳhuda rah ja.ega
Leave a Reply