Khawaja Javed Akhtar
nikal to aa.e is ujḌe hue makan se ham
tamam shab rahe mahrum sa.eban se ham
ham apne vaqt ke baala buland suraj the
ghurub ho ga.e kis tarah darmiyan se ham
zara bhi jis men nasihat ho kuchh hidayat ho
nikal dete hain vo baat apne kaan se ham
dil o dimagh nahin lafz hi karishma hai
to kya ajab ki hue qatl is zaban se ham
visal-e-yar se achchha to hijr hi hai ki ab
sukun se rahte hain vo bhi aur apni shaan se ham
ye sar buland to ho ja.ega magar ‘javed’
zarur ja.enge ik roz apni jaan se ham
Leave a Reply