Chandni Tha Ki Ghazal Tha Ki Saba Tha Kya Tha

chāñdnī thā ki ġhazal thā ki sabā thā kyā thā

maiñ ne ik baar tirā naam sunā thā kyā thā

ab ke bichhḌe haiñ to lagtā hai ki kuchh TuuT gayā

merā dil thā ki tirā ahd-e-vafā thā kyā thā

ḳhud-kushī kar ke bhī bistar se uThā huuñ zinda

maiñ ne kal raat ko jo zahr piyā thā kyā thā

tum to kahte the ḳhudā tum se ḳhafā hai ‘qaisar’

Dūbte vaqt vo jo ik haath baḌhā thā kyā thā

Leave a Comment