paigham-e-zindagi hai ḳhushi ki naved hai
mere liye to aap ka didar iid hai
kis ne kaha hai ziist mire naam kijiye
do pal bhi saath aap ka id-e-sa.id hai
ik aarzu hai aap mire ham-safar banen
ta-umr dekhti rahun ye shauq-e-did hai
dil Duub ja.ega mira barish men pyaar ki
sailab-e-ishq aane ki shayad shunid hai
har vaqt mere lab pe rahi hai yahi dua
mil jaa.e vo ki jis ka mira dil murid hai
baiThe hain but bane hue aise vo samne
hone ko ab nigah se guft-o-shunid hai
be-shak ‘sabila’ main ne raqam ki hai hai dastan
lekin naya ḳhayal hai lahja jadid hai
Leave a Reply