poet

Sun Le Ye Iltimas Mera Dostana Hai

sun le ye iltimas mira dostana hai

hushiyar ho ki tir-e-ajal ka nishana hai

kab tak rahegi masnad-e-kam-khvab zer-e-pa

kaahe khamida yaar tira shamiyana hai

duniya ke makhmase hain ye farzand-o-aqraba

begana sab se ho ki ajal ka yagana hai

ai andalib-e-jan-e-chaman jism par na phuul

virana ek rose tira ashiyana hai

anfas-e-mustaar pe kya eatibar-e-zist

ik dam men misl-e-mauj-e-saba to ravana hai

ye jalva-e-ha-e-bu-qalmun be-sabat hain

hai zindagi tilism-e-jahan ik fasana hai

rukti nahin hai baag kisi shahsavar se

har-dam samand-e-umr ko ik taziyana hai

kya sar-kashan-e-dahar ke qisse nahin sune

kya ho gae vo log kahan vo zamana hai

kahna tha jo ‘nasim’ tujhe sab suna chuke

nazdik ikhtitam tira karkhana hai

More Poems

Leave a Comment