Zafar Iqbal Zafar
paa.i hamesha ret bhanvar kaTne ke ba.ad
tishna-labi ka lamba safar kaTne ke ba.ad
kuchh aise kam-nazar bhi musafir hamen mile
jo saaya DhunDte hain shajar kaTne ke ba.ad
fan ki hamare aaj bhi shohrat hai har taraf
vo mutma.in tha dast-e-hunar kaTne ke ba.ad
utri hui hai dhuup badan ke hisar men
qurbat ke faslon ka safar kaTne ke ba.ad
sheva to zabt ka hai magar kya karun ‘zafar’
baḌhti hai pyaas aur bhi sar kaTne ke ba.ad
Leave a Reply