Syed Kashif Raza
pahlu-e-ghair men dukh-dard samone na diya
daman-e-vasl men ik hijr ne rone na diya
ranj ye hai ki mira dard se mahka hua tiir
us vafa-soz ne pahlu men khubune na diya
ishq vo sho.ala-e-saffak hai jis ne mujh par
aag jaari rakhi aur raakh bhi hone na diya
tujh ko ta-hijr raha tha miri vahshat se gurez
isi vahshat ne tiri yaad ko khone na diya
sharm aati hai bahut aisi subuk-doshi par
ishq ka bojh bhi is ziist ne Dhone na diya
Leave a Reply