pahle mujh ko bhi ḳhayal-e-yar ka dhoka hua
dil magar kuchh aur hi aalam men tha khoya hua
dil ki surat ghaT rahi hai Dubte suraj ki lau
uTh raha hai kuchh dhuan sa duur bal khata hava
main ne betabana baḌh kar dasht men avaz di
jab ghubar uTTha kisi divane ka dhoka hua
niind uchaT ja.egi in matvali ankhon ki na sun
meri hasti ka fasana hai bahut uljha hua
dil se Takra jaati hai rah rah ke koi mauj ‘zeb’
shab ka sannaTa koi bahta hua dariya hua
Leave a Reply