jo bhi milta hai usi ko pujne lagta huun main
kya karun majburiyon hain gaanv se aaya huun main
kal bhi ehsasat ke sho.alon pe tha mera vajud
aaj bhi har lamha sone ki tarah lagta huun main
mujh se hi qaa.em hai ab tak tera tahzibi vaqar
toḌ mat mujh ko ki ghar ka sadr darvaza huun main
main tire sahil pe aaya huun ki dekhun tera zarf
ai samundar tujh se kis ne kah diya pyasa huun main
saans tak lena bhi hai dushvar jab is shahr men
zindagi tujh par mira ehsan hai zinda huun main
laakh buniyadon men tu ne Dhak ke rakkha hai mujhe
ai haveli ke khanDar ab bhi tarah hissa huun main
main ba-zid huun us pe ki sab mujh ko samjhen a.ina
jabki a.ina ba-ḳhubi janta hai kya huun main
Leave a Reply