Aftab Shamsi
dard ki saaton se ghabra kar
filon se dilon ko bahla kar
kya bataen ki kis tarah ham ne
teri furqat men din guzare hain
teri aamad hamare chehre par
aaj ik tazgi si le aai
lekin is aarzi masarrat ko
khuub achchhi tarah samajhte hain
chand lamhon men ye nae kaghaz
ham se is tarah duur bhagenge
jis tarah chand qarz-daron ki
pichha karti hui nigahon se
puure ik maah ham farar rahe
kal se phir ai sada-bahar dulhan
raat din intizar men tere
koh-e-gham se sar apna phodenge
tujh se rishta kabhi na todenge
Leave a Reply