pahle nazr lab-o-ruḳhsar karegi duniya
phir tujhe bar-sar-e-paikar karegi duniya
gesu-e-zist ko suljhane men guzrenge din
mujh se is darja agar pyaar karegi duniya
chhoḌ degi tujhe Takrane ki ḳhatir aur phir
dar-o-divar se inkar karegi duniya
mujh ko munsif ke bhi mansab pe karegi faa.ez
jhuuT se laḌne ko tayyar karegi duniya
mujh ko masruf bhi rakkhega koi kar-e-abas
vaqt-e-masraf pe ye bekar karegi duniya
gesu-e-zulmat-e-shab mujh ko chhupa le na kahin
is pahle ki giraftar giregi duniya
main talabgar huun jiine ka ‘nizami’ lekin
jaane kab ḳhvab se bedar karegi duniya
Leave a Reply