poet

main chup kam raha aur roya ziyaada

main chup kam raha aur roya ziyada

yaqinan zamin kam hai dariya ziyada

shab-e-vasl murgh-e-sahar yaad rakhna

zaban kaat lunga jo roya ziyada

main nazuk-mizaji se vaqif huun qasid

isi vajh khat men na likkha ziyada

do bose liye us ne do galiyan diin

na lena ziyada na dena ziyada

vo sair-e-chaman ke liye aa raha hai

akadna na shamshad itna ziyada

vo utna hi banta hai hirs-e-mujassam

khuda jis ko deta hai jitna ziyada

amal par mujhe e’timad apne kam hai

khuda ke karam par bharosa ziyada

jo ankhen tire khak-e-dar se hain raushan

milaya hai shayad mamira ziyada

mujhe ulfat-e-zulf jab se hai ‘parvin’

batate hain vo josh-e-sauda ziyada

More Poems

Leave a Comment