Afzal Ahmad Syed
sahab-e-sabz na taus-e-nilmin laaya
vo shakhs laut ke ik aur sar-zamin laaya
ata usi ki hai ye shahd o shor ki taufiq
vahi galim men ye nan-e-be-javin laaya
usi ki chaap hai ukhde hue khdanje par
vo khisht o khvab ko bairun-e-azmagin laaya
vo pesh-e-burrish-e-shamshir bhi gavahi men
kaf-e-buland men ik shakh-e-yasmin laaya
kitab-e-khak padhi zalzale ki raat us ne
shaguft-e-gul ke zamane men vo yaqin laaya
Leave a Reply