Ahmad Ata
pahle ham ashk the phir dida-e-nam-nak hue
ik ju-e-ab-e-ravan haath lagi paak hue
aur phir sada-dili dil men kahin dafn hui
aur phir dekhte hi dekhte chalak hue
aur phir shaam huii, rang ude, jaam bane
aur phir zikr chhida, thode se ghamnak hue
aur phir aah bhari ashk bahe, sher kahe
aur phir raqs kiya, dhuul udii, khaak hue
aur phir ham kasi pa-posh ka paivand bane
aur phir apne bhi charche sar-e-aflak hue
aur phir yaad kiya ism padha, phunk diya
aur phir koh-e-giran bhi khas-o-khashak hue
Leave a Reply