Sahiba Sheheryar
pahle hota tha bahut ab kabhi hota hi nahin
dil mira kanch tha TuuTa to ye rota hi nahin
vo jo hanste the mire saath unhen DhunDun kahan
kaisi duniya hai jahan ka koi rasta hi nahin
ek muddat se main baiThi huun yahi aas liye
chand angan men mire kis liye utra hi nahin
mujh ko ma.alum nahin raunaq-e-mahfil kya hai
dasht-e-tanha.i se dil mera nikalta hi nahin
kya ajab shaḳhs tha har baat pe ḳhush rahta tha
vaqt kya badla ki vo DhunDe se milta hi nahin
Leave a Reply