justuju jis ki thi us ko to na paaya ham ne
is bahane se magar dekh li duniya ham ne
sab ka ahval vahi hai jo hamara hai aaj
ye alag baat ki shikva kiya tanha ham ne
khud pashiman hue ne use sharminda kiya
ishq ki vaza ko kya khuub nibhaya ham ne
kaun sa qahr ye ankhon pe hua hai nazil
ek muddat se koi khvab na dekha ham ne
umr bhar sach hi kaha sach ke siva kuchh na kaha
ajr kya is ka milega ye na socha ham ne
Leave a Reply