Ek Phul Mere Pas Tha Ek Shama Mere Sath Thi

ik phuul mere paas tha ik shama mere saath thi

bahar khizan ka zor tha andar andheri raat thi

aise pareshan to na the tuute hue sannahate

jab ishq ki tere mire gham par basar-auqat thi

kuchh tum kaho tum ne kahan kaise guzare roz-o-shab

apne na milne ka sabab to gardish-e-halat thi

ik khamushi thi tar-ba-tar divar-e-mizhgan se udhar

pahuncha hua paigham tha barsi hui barsat thi

sab phuul darvazon men the sab rang avazon men the

ik shahr dekha tha kabhi us shahr ki kya baat thi

ye hain nae logon ke ghar sach hai ab un ko kya khabar

dil bhi kisi ka naam tha gham bhi kisi ki zaat thi

More Poems

Leave a Comment