pahle hamari aankh men bina.i aa.i thi
phir is ke ba.ad quvvat-e-goya.i aa.i thi
main apni ḳhastagi se hua aur pa.edar
meri thakan se mujh men tavana.i aa.i thi
dil aaj shaam se hi use DhunDne laga
kal jis ke ba.ad kamre men tanha.i aa.i thi
vo kis ki naghmagi thi jo daron saron men thi
rangon men kis ke rang se ra.ana.i aa.i thi
phir yuun hua ki us ko tamanna.i kar liya
meri taraf jo chashm-e-tamasha.i aa.i thi
Leave a Reply