qadd-e-mauzun ka shajar yaad aaya
aur phir us ka samar yaad aaya
phir election ka hai sar men sauda
phir unhen laḳht-e-jigar yaad aaya
chand par jaane ka muzhda sun kar
apna bhula hua ghar yaad aaya
Thiik chaurahe pe main ja baiTha
jab tira vaqt-e-safar yaad aaya
raah men mujh ko vo tanha jo mile
jaane kyuun un ka pidar yaad aaya
dekh kar meri shikasta chappal
un ko ‘hashim’ mira sar yaad aaya
Leave a Reply