Iliyas Babar Aawan
makin chhoḌ ga.e ḳhvab ain raat ke beach
ki jaise dukh nikal aaya ho meri baat ke beach
main jis se haath milata huun phir nahin milta
na jaane kaun sa rasta hai mere haath ke beach
vo aaj aa.i to main duur se hi jaan gaya
main jis ko DhunDhta rahta tha phul-pat ke beach
isi sabab se to masraf khula tha kanon ka
vo ek phone jo aata tha chhe aur saat ke beach
hamare dil ko ba-har-hal sarsari na samajh
zara zara si to dhaḌkan hai ab bhi dhaat ke beach
ham is se pahle saf-e-dushmanan men rahte the
phir ek phuul khil aaya tha ain ghaat ke beach
Leave a Reply