uTThe jis bazm se tum gham ka saman chhoḌ aa.e
diye mahfil se uTha laa.e dhuan chhoḌ aa.e
ek TuuTa hua be-kar safina ham hain
hamen ab sail-e-bala chahe jahan chhoḌ aa.e
aaj sar phuTega ro.egi na divar teri
shahr se duur hamen ahl-e-jahan chhoḌ aa.e
hans ke ji-bhar ke zamane ki junun haar gaya
naseha ḳhush ho ki ham ku-e-butan chhoḌ aa.e
mere hathon ki lakiren thiin vo rahen ai dost
mere hathon ko tire haath jahan chhoḌ aa.e
na chala ba.ad hamare koi rah-e-gham men
jise har-gam pe ik sang-e-giran chhoḌ aa.e
din baharon ke palaT aa.e ‘musavvir’ lekin
jaane us jan-e-baharan ko kahan chhoḌ aa.e
Leave a Reply