pahle apni haar ḳhud taslim karni hai hamen
baad az ab aap ki tazim karni hai hamen
ashna-e-ranj-o-gham karne se pahle soch len
kal yahi miras phir taqsim karni hai hamen
ishq ki qismat men gar ah-o-fughan hi hai to phir
ye ibarat ishq ki tarmim karni hai hamen
baad men kuchh ashiqi ke baab par sochenge ham
pahle to hasil abhi ta.alim karni hai hamen
ilm ki ḳhatir abhi aThon pahar aur shash-jihat
roz qaa.em ik na.i tanzim karni hai hamen
Leave a Reply