Karamat Ali Karamat
pahaḌ jo khaḌa hua tha ḳhvab-sa ḳhayal sa
bikhar gaya hai raste men gard-e-mah-o-sal sa
nazar ka farq kahiye is ko hijr hai visal sa
uruuj kah rahe hain jis ko hai vahi zaval sa
tumhara lafz sach ka saath de saka na duur tak
misal jis ki de rahe ho hai vo be-misal sa
ḳhulus ke hiran ko DhunD kar riya ke shahr men
mire aziiz kar rahe ho tum ajab kamal sa
adavaton ki mauj jis zamin pe bo ga.i namak
ugega sabza-zar us jagah ye hai muhal sa
shab-e-visal a.ine men paḌ gaya shigaf kyun?
hamara dil to saaf hai tumhen hai kyuun malal sa
‘karamat’-e-hazin farar ho ke hal-e-zar se
guzishta ahd se mila to vo laga hai haal sa
Leave a Reply