Jamal Ehsani
dil ki taraf dimagh se vo aane vaala hai
ye bhi makan haath se ab jaane vaala hai
ik lahar us ki aankh men hai hausla-shikan
ik rang us ke chehre pe bahkane vaala hai
ye kaun aane jaane laga us gali men ab
ye kaun meri dastan dohrane vaala hai
duniya pasand aane lagi dil ko ab bahut
samjho ki ab ye baagh bhi murjhane vaala hai
jo sa.at-e-hasin thi vo roke nahin ruki
ye lamha bhi ‘jamal’ guzar jaane vaala hai
Leave a Reply