kuchh apna pata de kar hairan bahut rakkha
sargarmi-e-vahshat ka imkan bahut rakkha
aisa to na tha mushkil ik ek qadam uthna
is baar ajab main ne saman bahut rakkha
parbat ke kinare se ik raah nikalti hai
dikhlaya bahut mushkil asan bahut rakkha
kya farz tha har ik ko khushbu ka pata dena
bas bagh-e-mohabbat ko viran bahut rakkha
logon ne bahut chaha apna sa bana dalen
par ham ne ki apne ko insan bahut rakkha
Leave a Reply