Sufi

Aarzu Ko Salam Karte Hain

aarzu ko salam karte hain

dil ka qissa tamam karte hain

aa sakega na lab pe raz-e-ishq

husn ka ehtiram karte hain

is fareb-e-khayal ke sadqe

aap mujh se kalam karte hain

ai falak kuchh to chain lene de

do ghadi ko maqam karte hain

khaak bhi ab nahin shahidon ki

kyuun vo azm-e-khiram karte hain

sab hi dete hain jaan yuun ‘kaifi’

aap kya aisa kaam karte hain

More Poems

Leave a Comment