Iftikhar Haidar
vahshat hai be-zari hai
shaam bhi kitni bhari hai
bahar ik sannaTa hai
andar ah-o-zari hai
likh deta huun hal-e-dil
kahne men dushvari hai
dard musibat bechaini
apni sab se yaari hai
siina charta jaata hai
ḳhvahish hai ya aari hai
mere dil ke kamre men
yadon ki almari hai
prem nagar ka har banda
jazbon ka byopari hai
aap mohabbat kahte hain
dhoka hai makkari hai
soz hai mere lafzon men
lahje men sarshari hai
sher nahin likhta sahab
paiham ashk-shumari hai
Leave a Reply