kal ham se mulaqat men vo yaar jo ki bahs
main bhi vahin ik baat men bezar ho ki bahs
ladte na kisi tarah se us se kabhi hargiz
par kya karun us vaqt main lachar ho ki bahs
laaya tha mire dil ki giraftari ka saman
is vaste main us se ba-takrar ho ki bahs
samjha ke laga kahne ki aa ham se tu mil ja
main tere liye bar-sar-e-bazar ho ki bahs
‘miskin’ na jo tu ham se agar dil se milega
kyuun tu ne mira misl-e-ḳharidar ho ki bahs