Kya DhunDne Aae Ho Nazar Mein

kyā DhūñDne aa.e ho nazar meñ

dekhā hai tumhīñ ko umr-bhar meñ

me.ayār-e-jamāl-o-rañg-o-bū the

vo jab tak rahe merī chashm-e-tar meñ

ab ḳhvāb-o-ḳhayāl ban ga.e ho

ab dil meñ raho, raho nazar meñ

vo rañg tumhāre kaam aayā

uḌtā hai jo ġham kī dopahar meñ

haa.e ye tavīl o sard rāteñ

aur ek hayāt-e-muḳhtasar meñ

ab sūrat-e-hāl ban gayā huuñ

miltā huuñ nigāh-e-chārāgar meñ

yā aur sitāre aur shabnam

yā mar raheñ dāman-e-sahar meñ

yā manzil-e-mahr-o-māh bhī hai

yā rāh-e-farār hai safar meñ

vo bhī to ‘zafar’ se ḳhush nahīñ haiñ

rahte haiñ jo dīda-e-‘zafar’ meñ

Leave a Comment