paḌe hain zaḳhm-ḳhurda mehrbani mangne vaale
bahut nadim hain us se zindagani mangne vaale
yahan to sab ki ḳhvahish ek si hai roTiyan, sikke
mere yug men nahin ḳhvab-e-javani mangne vaale
koi taḳhliq ho ḳhun-e-jigar se janm leti hai
kahani likh nahin sakte kahani mangne vaale
laga.en jo saron ki baziyan ye kaam un ka hai
imamat kya karenge jhuk ke paani mangne vaale
Leave a Reply