khuda-e-har-do-jahan ne jab aadmi ko pahle-pahal saza di
bahisht se jab use nikala
to us ko bakhsha gaya ye sathi
ye aisa sathi hai jo hamesha hi aadmi ke qarin raha hai
tamam advar chhan daalo
rivayaton men hikayaton men
azal se tarikh kah rahi hai
ki aadmi ki jabin hamesha nadamaton se araq rahi hai
vo vaqt jab se ki aadmi ne
khuda ki jannat men shajr-e-mamnua chakh liya
aur
sarkashi ki
tabhi se is phal ka ye kasila zaiqa
aadmi ke kam-o-dahan men hir-phir ke aa raha hai
magar nadamat ke talkh se zaiqe se pahle gunah ki be-panah lazzat
Leave a Reply