Bilqis Zafirul Hasan
pabandiyon se apni nikalte vo pa na the
sab raste khule the magar ham pe va na the
ye aur baat shauq se ham ko suna gaya
phir bhi vahi sunaya suna ik fasana thea
ik ag-saeban tha sar par tana hua
pal pal zamin sarakti thi aur ham ravana the
dariya men rah ke koi na bhige to kis tarah
ham be-niyaz teri tarah ai khuda na the
hargiz gila nahin hai ki tu mehrban na tha
kab ham bhi apne aap se behad khafa na the
kyuun sabr-ashna na hua na-murad dil
tere karam ke haath to yuun be-ata na the
vo aur ham se puchhe ki ‘bilqis’ kuchh to kah
kam-bakht ham ki hosh hi apne baja na the
Leave a Reply