Poet
pa-barahna hain ab ke jangal men
tu bhi main bhi talab ke jangal men
ḳhak-e-ḳhvahish bhi ab nahin uḌti
ḳhuun ki tab-o-tab ke jangal men
haan abhi aarzu nahin nikli
aur kuchh roz ab ke jangal men
kufr-o-islam mil rahe hain gale
aur kya hai adab ke jangal men
vo bhi meri tarah se rah lega
umr bhar roz-o-shab ke jangal men
kaun aa.ega milne ko ‘aḳhtar’
aisi viran shab ke jangal men
Leave a Reply