Wahid Premi
nuur se laakh iḳhtilaf karo
azmat-e-mah ka e’tiraf karo
dekhna ho jo husn ghairon ka
apni ankhon se gard saaf karo
dair-o-masjid men kya milega tumhen
kucha-e-yar ka tavaf karo
zindagi men kise mila hai sukun
gham se Dar kar na etakaf karo
soz-e-gham ka vaqar hai tum se
ansuon se na tar ghilaf karo
saikḌon zaḳhm hain mire dil par
ab to yaaro mujhe muaaf karo
maslahat-kesh vaqt hai ‘vahid’
apni fitrat ke tum ḳhilaf karo
Leave a Reply