Nuqrai Ujale Par Surmai Andhera Hai

nuqra.ī ujāle par surma.ī añdherā hai

ya.anī merī qismat ko gardishoñ ne gherā hai

vaqt ne judā.ī ke zaḳhm bhar diye lekin

zaḳhm kī kahānī bhī vaqt kā hī pherā hai

TūTte bikharte in hausloñ ko samjhāo

uljhanoñ kī shāḳhoñ par lazzatoñ kā Derā hai

aane vaalā sannāTā mastiyāñ uḌā degā

nāgino! sambhal jaao sāmne saperā hai

Leave a Comment